Larzabale-Arroze-Zibitze

Euskal Herriko hilarrien interpretazio gunea.

Harriak Iguzkitan

Larzabale herri erdian aurkituko duzue Euskal Herriko hilarrien interpretazio gunea. 2007az geroztik, "Harriak Iguzkitan" gunean ikus daitezke Euskal Herriko hilarri eder eta zaharrenetakoak. Lauburu elkarteak bultzaturik sortu zen gune hau.

Euskal Herriko hilarrien interpretazio gunea.

Hilarriak

Euskal Herriko hilarriek trapezio itxurako oinarria zuten, lurraren irudi, eta zirkulu bat gainean, iguzkiaren oroigarri. Monumentuak zenduaren arima bizi lurtarretik zerukora pasatzen dela adierazten du.

XVII. mendeko hilarriak

Hilarrien gune honetan aurkitzen dira oraindik osorik dauden hilarririk zaharrenak. Batzuk XVI eta XVII. mendeetakoak dira. Maiz, biribilean hildakoaren biziari buruzko ikurrak ikus ditzakegu.

Ezkoa (argizaria; kasu, zubereraz "argizagia" ilargia da)

Ezkoa, edo Hego Euskal Herrian argizaria, Euskal Herrian hildakoen aldeko erlijio ospakizunetan pizturik atxiki behar den kandela kiribildua da. Erleen ezkoa erabiltzen da horren egiteko. Gaur egun, Ahurtiko Belloc abadiako benediktarrek baizik ez dute egiten.

Museoa

Euskal Herriko hilarrien zentroak badu kanpoko alde bat, hilarriak bildurik dauden lekua, eta barnean museo bat, euskal heriotza errito eta tradizioetan sakonago murgiltzeko.

Claude LABAT LAUBURU elkarteko kidearen hilarrien azalpena

hilarriak