La Croix des Anglais

Itzulia, Oinezkoa

Aurkezpena
Xehetasunak
Irudien bidez
Harremanak

Itzalpean eta leku errazean ibilaldi bat egin nahi duzu? Horra! Zoriona kausitu duzu!
Ingelesen Gurutzeko ibilbideak askotariko paisaiak eskaintzen ditu, batzuetan ikuspegi ederrekin mendietara eta besteetan udan zinez gustagarriak diren oihanpeko ibilaldi zati anitzekin.
Ibilbidearen bukaeran ikusten den harrizko gurutze batetik hartzen du izena ibilbideak. 2,50 m-ko altuera du gurutzeak, eta “1713” inskripzioa darama, Espainiako Ondorengotza Gerran preso izandako eta eraildako ingeles soldaduen omenez. Gerla horretan, 1701 eta 1714 urteen artean, koalizio europar baten aurka borrokatu ziren Frantzia eta Espainia.

Dokumentuak

Argibideak
Baliagarriak

Argibide baliagarria

Abiatzea : USTARITZ
Igoerako desnibela : +171m
Equipements et services : Piknika lekua

Distantzia9.3km
MugikortasunaOinez
Iraupena3h
ZailatasunaErraza

Nola etorri?

Uztaritzetik, joan D250 errepidetik, Senpererantz. Oihanean sartu baino lehentxeago, aparkatu eskuinaldean, orientazio mahaiaren aparkalekuan.
Senperetik, joan D3 errepidetik, eta, gero, D250 errepidetik, Uztaritzerantz. Oihanetik ateratzean, aparkatu ezkerraldean, orientazio mahaiaren aparkalekuan.

Ibilbideari buruzko xehetasunak

Abiatzea errepidean
Orientazio mahaiaren aparkalekutik, errepide bazterretik ibiltzen hasi, Uztaritzerantz. 700 m urrunago, bidegurutze batera iritsi.
Beheranzko bidea
Joan eskuinera, eta errepide honetan 750 m ibili. Orduan, errepidea bide bilakatzen da. Jaisten segitu, ibarxkaren barneraino.
Oihaneko bidea
Biratu eskuinera, eta bide berri horretan 70 m ibili. Ezkerreko zurezko zubixka zeharkatu eta oihanetik atera. Segitu zuzen, iratzeleku bat zeharkatzen duen bide batetik, eta 150 m ibili. Iratzelekua pasatu eta berehala, bidea berriz oihanean sartzen da, eskuinerantz. Oihaneko bide horretatik jarraitu, 1,1 km ibili, eta, azkenik, beste bide batera iritsi!
Oihana
Joan eskuinera eta jarraitu bidetik. Bidea igotzen hasten da, eta laster bidegurutze batera iristen da. Joan berriz eskuinera, bide berritik. Bide hori oihanean barna doa, eta erreka batera iristen da.
Erreka ibitik iragan ondoan, beste bide batera iritsi. Bide hori ezkerrerantz segitu behar da. 100 m urrunago, xeila bat pasatu.
Kapera
Xeilaren ondotik, berehala, joan eskuinera bidexka arras ttipi batetik. Bidexkan jaitsi, zubixka batera iritsi arte. Gero, pentze baten bazterretik ibili, Otsantzeko kaperaraino. Kaperaren ondotik, berehala, etxeen itzulia egin, eskuinetik. Errepide ttipi batera iritsi. Errepidea patar eztian gora doa. 1,5 km ibili, eta D3 errepidera iritsi.
D3 errepidearekiko paraleloa den bidexka
D3 errepidea baino metro batzuk lehenago, joan eskuinera, etxola baten gibelean hasten den bidexka diskretu batetik. Bidexka ttipi batetik jarraitu, oteen eta D3 errepidearen bazterreko zuhaitzen artetik, errepidetik hurbil. Hortik segitu, bide batera iritsi arte. Bidetik jarraitu, ezkerrerantz. 200 m urrunago, D3 errepidea baino lehentxeago, joan eskuinera, errepidearen bazterretik doan bidetik. D3 eta D250 errepideen arteko bidegurutzeraino ibili.
Ingelesen Gurutzea
Errepidea baino metro batzuk lehenago, joan eskuinera beste bidexka atsegingarri batetik, D250 errepidearen bazterretik. Ingelesen Gurutzera iritsi.
Aparkalekura itzultzea
Gurutzea bisitatu ondoan, bide beretik itzuli, aparkalekuraino.

Begiak ireki itzazu

Amerikar haritzak

Zuhaitz hau Ipar Amerikako ekialdekoa da jatorriz. Beste arbola hostotsu batzuekin hazten da, hala nola lizarrekin, ezkiekin eta beste haritz mota batzuekin. 1724tik sartu zuten Europan, eta gaur egun Eskandinaviako hegoalderaino hedatzen da. Garaian, haren apaindura ezaugarriengatik landatzen zen, udazkeneko hostotzagatik bereziki. Gaur egun, gero eta gehiago erabiltzen da oihana berritzeko, europar haritzak baino zaluago hazten baita.

Otsantzeko kapera

Kapera hau Uztaritzeko, Zuraideko eta Senpereko herrien mugan dago. Joan den mende arte, euria eskatzeko prozesioen bilgunea zen. Erdi Arokoa da. Kristauek inbasioen aurka ezkutatzeko erabiltzen zuten, eta beilariek Donejakue bidean geldialdia egiten zuten hor. Frantziako Iraultzan suntsitu zuten kapera. Antzinako zimendu babestuen gainean berreraiki zen, eta 18,30 m-ko luzera eta 7 m-ko zabalera ditu. Brontzezko hondakinak dituen labe baten hondakinek erakusten dute garai hartako ezkila lurrean moldatu zela.

Ingelesen Gurutzea

2,50 m-ko altuera du gurutzeak eta “1713” inskripzioa darama, Espainiako Ondorengotza Gerran preso izandako eta eraildako ingeles soldaduen omenez. Gerla horretan, 1701 eta 1714 urteen artean, koalizio europar baten aurka borrokatu ziren Frantzia eta Espainia.