Heganbürü
Itzulia, Oinezkoa
Bere ingurune desberdinei esker harrapatzen gaituen lasaitasun eta berdetasun familia ibilbidea da. Ibilaldia oihanpe eta larre erdian baita oso desberdina da. Hemen, laborari eta haien saldoek oihan eta pentzeak ontsa zaintzen dituzte. Züharako deskubritzea : Arbailetako mendigunean kokaturik den mundu puntako herri sekretu bat. Hala ere, ohiko laborantza dinamikoari esker herri bizi bat da. Zuberoako arkitektura erakusten duen etxe ederrak ikus daitezke. Ozaze-Zühara goratasunean, Ühaitza ibarra eta Pirineoen gainean bista ederrak ikus daitezke.
Argibideak
Baliagarriak
Argibide baliagarria
- AnimaliakAnimaliak onartuak
Argibideak
Baliagarriak
Argibide baliagarria
-
Abiatzea : OSSAS-SUHARE
-
Igoerako desnibela : +250m
- Distantzia9km
- MugikortasunaOinez
- Iraupena3h
- ZailatasunaErraza
Nola etorri?
Ibilbideari buruzko xehetasunak
Ibilbideari buruzko xehetasunak
-
Frontoiko plaza
Frontoi gibelean, Zühararantz C1 herri bidea hartu. Gesala erreka zubitik zeharkatu (edo ibitik ez baita gora). 150m-z bidean segitu, eta ezkerrean oihanpean errekaren ondoan goiti doan bidea hartu. Pista laster iraleku batera iristen da eta, bihurgune batzuen ondotik, kasko horizontalean segitzen du. Basabürü eta Biarnoko mendien gainean bista biziki ederra da. Hesiaren heinean, ezkerrean igotzen den bidexka hartzeko pista utzi. Oihanetik ateratzean, mendeetako haritzez osaturik den bidexkak horizontalean segitzen du eta eskuinean Arbailetako mendigune azpian den Züharako herria ikusten da. Jaiste labur baten ondotik, Zühara eta Zihiga herriak lotzen dituen harri bidexka batera iritsi.
-
Bidegurutzea
Zuhararantz jaitsi eta eskuin hartu. 500m egin eta, lehen bidegurutzean, ezker hartu. Bidexka behera doa eta bihurgune batzuez, mozte larreen artean, herrira berriz igotzen da. Iturritik hurbil, herria aitzin ezker aldean uraska-garbilekua so egizue. Plazara arte goiti joan.
-
Züharako plaza
Plazatik, xuxen segitu. 60m-z jaitsi eta arbola azpian mendixka mazelan doan ezkerreko bidexka hartu. Xendratik, Altzürüküren gainean den bista bat badugu. Agerira ateratzean, bi hesien heinean, eskuin hartu. Pista laster bidera doa. Ama Birjinaren bidegurutzean, 150m-tan ezker hartu.
-
Ama Birjinaren bidegurutzea
Bidegurutzean, Ozazerantz hartu (Herriko Etxea seinalea). 400m-tara pentzeen artean eskuineko bidexka hartu. Erreka txiki bat zeharkatu eta arbola azpian eskuinean goiti joan. Züharara eramaten duen bide txikia fite lotzen dugu.
-
Ozazeko plazara berriz itzuli
Ezker hartu eta igotzerakoan hartutako bidea Ozazeko plazaraino segitu.