Circuit des palombières / Usategietako itzulia

Itzulia, Oinezkoa

Larrunetik hurbil-hurbil, Ibanteli eta Atxuriako piramide itxurako gailur dotorez inguratua, usategien ibilbideak (horietako ale bitxi batzuk miretsiko dituzu) pagadi misteriotsu eta miresgarriak ezagutzeko aukera emanen dizu, orbelez artoski estalitako lurrarekin. Oihanetik ateratzean, ibilbidea kasko borobildu zabaletik doa, belartsuak edo iratzez erdi estalirik. Muga bazterretik artoski ibiliz, begirada Frantzia eta Espainia artean pausatuz, Lizarieta lepora helduko zara, Ibanteliko mazela argitsuak zeharkatu aitzin. Larrun mendi handira azken begirada bota eta, oihanean berriz murgiltzeko tenorea izanen da, erreken ur gardenen gurgura aurkitzeko.

Argibideak
Baliagarriak

Argibide baliagarria

  • Abiatzea : SARE
  • Igoerako desnibela : +500m
  • Equipements et services : Elikatze-puntua (epizeria, ostatatzea)
  • Distantzia11.5km
  • MugikortasunaOinez
  • Iraupena4h
  • ZailatasunaErtaina

Nola etorri?

Donibane Lohizunetik (A63 autobideko 3. jalgibidea), D918 segitu Azkaineko norabidean. Azkaineko hiri-barnera joan D504 errepidetik, eta D4 errepidea hartu Sarako norabidean. Sara inguratu eta gero, D306 errepidea hartu Lizarieta lepoko norabidean eta 5 km-tan segitu, erreken bidegurutze baten heinean, eskuinaldean, aparkaleku gune bat aurkitzeko, kanpoan bazkaltzeko mahaiekin (beste aparkaleku handiago bat bada 100 m urrunago ezker: Xabalo gunea).

Ibilbideari buruzko xehetasunak

Ibilbideari buruzko xehetasunak

  1. Aparkalekutik bi etxoletara (bata bestearen ondoan)

    Aparkalekutik (110 m), errepidean segitu Sararako norabidean 100 m-tan. Eskuin, zubixka bat iragan eta berriz eskuin hartu bide harriztatuan igotzeko. Muinoaren gainetik, hamar bat metrotan jaisten da: berriz igo aitzin, eskuineko bidea hartu, gaztainondoen artean sartzen dena, eta gorago, pagadiaren artean. Bihurgune baten heinean kokatutako beste bidera heltzen da: zeharkatu eta pareko bidea segitu (nahiz eta menturazko gurutze seinalea izan). Eraikin berde baten ezkerretik iragan, harrizko pareta ttipi baten heinean, bi metalezko zutabeekin; beste metalezko zutabe batera eta zuhaitz lerro batera joan, bi etxolak baino justu aitzinago.

  2. Bi etxoletatik (alt. 387 m) Saiberri lepora

    Bi etxoletara iritsi baino justu aitzinago (387 m), ezkerrera joan bide zahar batean, erdi-lurrezkoa, erdi-belartsua. Gero, pagadian sartzen den bidexka zutean segitu, gero aski laua bihurtzen dena. Oihanetik atera bezain laster eta harrizko dorre bereizgarri batera heldu baino lehen (usategia), eskuinera igo eta ondotik, doi bat ezkerrera. Bidexka Saiberriko oinera heltzen da, laugune zabal batean (lepoa), lurrean harri lauak badirela, non bidexka batzuk elkartzen diren.

  3. Saiberri lepotik Lizarieta lepora

    Laugunetik (475 m), eskuinera joan, metalezko abere hespilen aitzinetik iragan, eta hesi pasabide baten aitzinean. Oihanaren bazterretik doan bidetik segitu. Bihurgune baten heinean, bidea utzi, pagadien azpitik igotzen den bide gordeago batean zuzen segitzeko, muino baten gainera igotzen dena (517 m). Norabide berean jaitsi, pago bakarti baten eskuinaldetik iragan eta beste bide baten perpendikularrera heldu: eskuin hartu. Nahiz eta bidegurutze anitz izan, beti zuzen segitu 3 km-tan, Lizarieta leporaino (ostatuak, jatetxeak).

  4. Lizarieta lepotik harrizko arditegira

    Lizarieta lepoan (441 m), errepidea eskuinaldera segitu 350 m-tan, lehen bihurgune zorrotzeraino (419 m). Orduan errepidea utzi, zabalean ezkerrera doan bidexka hartuz. Nahiz eta igoera ttipi batzuk izan, besteak beste aurri baten ondotik, bidexka erregulartasunean jaisten da Ibanteliko mazelan. Oihanetik hurbiltzerakoan, harrizko arditegira iritsi.

  5. Harrizko arditegitik aparkalekura

    Arditegiaren eskuinetik ibili (262 m) eta bide harritsuan sartu. Arditegia iragan eta 300 m urrunago, bidea utzi eskuin jaisten den bidexka hartzeko. Beherago, eskuineko bidexka utzi, eta doi bat ezkerrera segitu. Ibilbide hasierako aparkalekura zailtasunik gabe heltzen den oihanbidea segituz jaitsi.

Helmuga