Chemin des Landes- Larretako bidea
Itzulia, Oinezkoa
Ibilbide labur hau egokia da familiarekin paseatzeko edo natura ingurunean lasaitzeko. Ibilbideak aukera ematen dio ibiltariari larreetako natura ingurunea ezagutzeko. Habitat hori zeharkatuz, txilar espezie anitz aurki ditzake oteen artean, baita ingurune horretan bizi den fauna ere. Gainera, paisaia anitzeko ibilaldia da; izan ere, itzulian, oihaneko argigune ederretan eta erreka bazterreko oihanpe goxoan ibiliko da ibiltaria. Zuhaitz lepatu ederrak ikusiko ditu ere. Ibilbide zinez interesgarria da.
Dokumentuak
Dokumentuak
Argibideak
Baliagarriak
Argibide baliagarria
-
Abiatzea : JATXOU
-
Igoerako desnibela : +90m
- Distantzia3.8km
- MugikortasunaOinez
- Iraupena1h00
- ZailatasunaOso erraza
Nola etorri?
Ibilbideari buruzko xehetasunak
Ibilbideari buruzko xehetasunak
-
Larre eta argiguneen artetik
Aparkalekuan, bidetik ibili. 60 m urrunago, bide-adarkatzean, joan ezkerrera (SIRTAQUI1). Ote-larre bat zeharkatu, eta iratze-lursail batera iritsi. Haritz lepatu ederrez osaturiko oihan batean sartu eta jarraitu bide zabaletik (SIRTAQUI2). Bidegurutzean, zuhaitzak pasatu eta 50 m geroago, bidea utzi eta eskuineko bidexka ttipia hartu (SIRTAQUI3). Bideak bihurgune bat egiten du eskuinerantz, eta zuhaixken artetik jaisten da. Argigune batera iritsi. Oso agerikoa ez den bidexka belartsutik joan, behera eta ezkerrera.
-
Oihanpe lasai batean
Argigunearen behealdean, joan ezkerrera, oihan bat zeharkatu eta zuhaitzek estali gabeko beste gune batera iritsi. Gune hau zeharkatu, eta haritz handi baten heinean, bide zabal bat hartu eskuinera (SIRTAQUI44). Argigunearen behealdean, bidexka ezkerrera doa, oihanpe batean sartzeko. Errekatxo bat zeharkatu eta eskuineko bidexka nagusian gelditu. Errekaren ezkerreko bazterretik ibili. Errekatik urrundu, gero eta gehiago igotzen den bidexkatik joanez (SIRTAQUI5). Pixka bat zutagoa den igoera zatiaren ondotik, joan eskuinera, bidexka belartsu batetik.
-
Zuhaixkadun larreetatik itzultzea
Zuhaitzik gabeko larre batean ibili, ageriko ibilbidean. Gero, oihan bat zeharkatu, labur. Bideak larre batetik jarraitzen du, eta bide batera iristen da (SIRTAQUI6). Bide horretatik zuzen jarraitu. Hurrengo bidegurutzean, joan ezkerrera. Bidetik jarraitu. Gero, bidea bidexka bilakatzen da (SIRTAQUI7). Departamenduko errepidearen bazterretik ibili, abiapuntura iritsi arte.