OTGB

Lauribar eta Ezterengibel ibarren artean Buluntza ibilbide erraza da eta estetikoa, bi leporen artean dabilena. Lauribarreko mazela nagusiko bide atseginean, ibar hori eta Arbailako mendigunearen mendebaldea mirets daitezke. Buluntzako lepora eta hango trikuharrira helduko zara igoera labur baten ondotik. Lepotik, ikuspegia Ezterengibeleko mazelaraino doa, eta, gibelean, Iratiko oihana, Okabeko, Errozateko eta Urkuluko kaskoak ikusiko dituzu Itzulia bururatzen da erliebe eztia duen tontor-lerro batean ibiliz, hareharri mokorren artean ibili ondoan.

Argibideak
Baliagarriak

Argibide baliagarria

  • AnimaliakAnimaliak onartuak

Argibideak
Baliagarriak

Argibide baliagarria

  • Abiatzea : LECUMBERRY
  • Igoerako desnibela : +230m
  • Distantzia4.5km
  • MugikortasunaOinez
  • Iraupena2h00
  • ZailatasunaErraza

Nola etorri?

Lekunberriko Frontoiko hoteletik, har D18 bidea Iratiko oihanera buruz. Mendibe sartzean, har bigarren bidea eskuin, eskola publikora buruz. Lauribar gaineko zubiaren ondotik, segi ezkerreko bidetik, eta gero eskuinekotik Ezterenzubira buruz. Oihanetik ateratzean, segi eskuineko bidetik 3,3. km-an, ezkerreko bidetik 4,1. km-an. Ibilaldiaren abiapuntua, Bilgoza lepoa, 200 m urrunago da. Utz autoa eskuinean, hesiaren luzeran (kasu pentzeetako sargiak trabatu gabe).

Ibilbideari buruzko xehetasunak

Ibilbideari buruzko xehetasunak

  1. Bideen gurutzean

    Aparkalekuaren segidan, joan xendratik eta 50 m urrunago egon xendraren eskuinean. Goratasun ertaineko pentzeetan barna iragaten da ibilbidea. Urrunean, eskuinaldean, Behorlegiko herria ageri da, Arbailako mendigunearen oinetan. 1 km urrunago, gune itzaltsu baten ondotik (aska bat eta iturri bat ezkerrean), segi igaten den ezkerreko bidea. Lekuka lizarrak badira bide bazterrean. 1 km-ren buruan, bide berri batera helduko zara.

  2. Buluntza lepoa

    Itzul ezkerrera lepora buruz igaten hasten den bide berri horretan. Urrunean, eskuinean, Arradoi eta haren mazela ageri dira, mahatsondoz josia. Bi bihurgune gaiztoren ondotik, Buluntza lepora helduko zara. Ikuspegi bikaina ukanen duzu: ezkerrean, Iratiko oihana eta Okabe kaskoa, parean Errozate kaskoa, eta eskuinean, Mendilatz eta Urkulu kaskoak.

  3. Bilgoza lepoa

    Buluntzako lepoaren ondotik, utzi adarkatzen den bidea. Segi eskuin, kaskotto baten oinarrian diren arroketara buruz. Hareharrien artetik igan zaitez kasko ezti batera heltzeko. Jauts doi-doia kaskoa segitzeko, eta har agertuko zaizun xendra. Behorlegi mendia ezkerrean, arku arrokatsu formakoa, ibilaldi bukaeraraino ikusiko duzu. Hortik goiti bidea markatuagoa da, eta progresiboki jausten da. Bukaeran ibil zaitez hesi bazterretik hastapeneko bidera eta aparkalekura heltzeko.

Helmuga