Ezterenzubiko Ibarra

La vallée d'Ezterenzubi

Ikustekoak
Ibarra ezagutu
Ongi jatea
Ibilaldiak
Agenda

Ezterenzubiko ibarra, Garazi eskualdean, Eiheralarre eta Ezterenzubi herriez osatua da. Haran horretatik pasatzen dira Compostelarako Donejakue bidea (GR65) eta Pirinioak zeharkatzen dituen GR10. Hemen ditugu Organbideko ikuspegi zoragarriak eta Harpea lezerako ibilbidea.

Ikustekoak

Biakorriko Ama Birjina

Birjina

Compostelarako Donejakue bidea egiten duten beilariek, Donibane Garazitik Orreagara joateko ezinbesteko pasaleku dute Biakorriko Ama Birjina.

Harpea

Ibarreko leku ezagunenetako bat. Oinez soilik joan daiteke. Naturak hiruki itxura berezia eman dio. Artzainek baliatzen zuten eguraldi txarra zenean bertan artaldeekin gerizan egoteko. 1200 ardi sar zitezkeen !

Teobaldo Gurutzea

Biakorriko Ama Birjinatik kilometro batzuetara, Arnostegi lepoa baino lehen kokatzen da eta ardura xingolez inguratua dago. Beilariek egin agiantzak dira, beren bidaian lagun ditzan.

Urkuluko dorrea

Donejakue bidetik hurbil, Urkuluko dorrea ikus daiteke. Arnostegi lepotik denbora gutxi behar da oinez hara igotzeko. Erromatarren egonaldiaren lekukoa da. Bordele eta Astorga arteko merkatari bidea zaintzeko egin zuten behaketa dorrea da.

Ibarra ezagutu

lors de la montee du chemin de compostelle - vue sur les cretes iparla - saint michel — OTPB

Eiheralarre

Compostelarako Donejakue bidea Eiheralarretik ere pasatzen da. Huntto auzoa ezinbesteko etapa da ibiltarientzat. Bertan ostatua eta aterpea har dezakete, etapa osoa aldi batean egin nahi ez dutenek bereziki. Pixka bat gorago, Biakorrin dugu ostatu eta aterpe hartzeko azken lekua. Château Pignon gotorlekuaren hondarkinak ere Eiheralarren dira. Hor gertatu ziren hainbat gatazka, eta bereziki 1793koa non Espainiak Frantziar iraultzaileen kontrako erasoa burutu baitzuen.

Ezterenzubi

Ezterenzubi haran horretako azken herria da. Herritik gora, Fagaltzeta ordokitik pasatzen da GR10 ibilbidea. Hain zuzen Donibane Garazitik Iratirako bidea egiten duen etapa da. Herria ezaguna da Errobiko iturburua dagoelako bertan. Egia erran ibarreko bi herrietatik igarotzen da Errobi, baina egiazki Nafarroa Garaian sortzen da. Urek ez baitute mugarik ezagutzen. Ezterenzubikoa da ere Harpea harpe famatua. Organbide lepotik hurbil dago eta oinez soilik joan daiteke. Aukeretako bat, autoz Orion oihanetik gora joatea da Organbide leporaino eta hortik oinez lezeraino.

vue grotte harpea et arrivee par le sentier du col orgambide - pays basque — OTPB

Ongi jatea

Xoko Goxoa hotel eta jatetxea

Betty eta Pasko zain dituzue beren Eiheralarreko hotel-jatetxean: Xoko Goxoa. Bertako sukaldaritza fina egiten dute, bertako mozkinekin (xerrikiak, arrainak, haragiak, gasnak...) eta Euskal Herriko arnoekin (Irulegi, Nafarroa, Arabar Errioxa). Barazkiak Paskoren baratzekoak dira !

Andreinia hotel eta jatetxea

Andreinia hotel-jatetxeko nagusiek, Eric eta Christel, familiaren negozioa segitzen dute. Hotelean ala zuhaitzetako etxoletan lo egiten baduzue, ez duzue jatetxean jan gabe egon behar. Bertako mozkinez osaturiko sukaldaritza sekulakoa da.

“Les Sources de la Nive” hotel eta jatetxea

Les Sources de la Nive (Errobi iturburua), ber familiaren eskuetan egon da bost belaunaldiz. Mendi zolan eta erreka bazterrean kokaturik, arrantzale, ehiztari eta mendizaleentzako leku bikaina da.