Baigurako Ibarra
Baigura et la vallée de l'Arbéroue
Arberoa ibarra Heleta, Lekorne eta Makea artean dago, Eltzarruze mendi zolan. Baigura oinean den aisialdi gunea parapentea ikasteko eta trotinetaz mendian behera jaisteko leku bikaina da.
Gainera, hemen inguruan mendi ibilbide andana dugu! Hona hurbiltzen bazarete, Izturitze eta Otxozelaiara joan behar duzue: historiaurreko lezeak.
Lapurdi eta Nafarroa Beherearen artean
Arberoa ibarra Lapurdin da. Hortxe ditugu Izturitze eta Otsozelaiako harpeak, Euskal Herriko lehen gizakien lekuko zoragarriak.
Mendiz inguraturik
Arberoa ibarra lautadaz eta mendiz osatua da. Bi mendi nagusi ditugu. Lehenengoa, Urtsua. Kaskotik Lapurdiko kostaldea ikus daiteke. Urtsua mendi zolan dago Hazparne. Hemengoak ziren Martin Larralde "Bordaxuri" bertsolaria, eta Piarres Xarriton idazle eta euskaltzaina. Bigarren mendia Baigura dugu, Lapurdi eta Baxe Nafarroaren artean muga egiten duena.
Antzinako azoka
Urtero, Heletan pottoka azoka ospatzen da. Lehen azoka 1750ean egin zuten, Santa Katalina egunez, azaroan, eta orain zaldi hazleak eta negozianteak heldu dira, batzuk urrundik heldu ere.
Lehen gizakien aztarnen gibeletik
Izturitze eta Otsozelaiako harpeak Europa maila erreferentziazkoak dira lehen gizakien bizimodua ulertzeko.
Izturitzeko lezea ikerketa lekua da, eta urtero berrikuntzak jalgitzen zaizkigu bertatik.
Otsozelaia ordea, begien plazerrerako da: ikusgarriak dira bere harri-orratzak eta harri-negarrak.
Nola etorri
Garraio modu guziak onak dira zenbait egunen pasatzera etortzeko Euskal Herrirat: trenez, autoz, hegazkinez, eta batzuentzat oinez ere!
Nola etorri