Eglise Notre Dame

1506an, Uhalde Handi noble etxearen jabea zen Martin Uhaldek Haltsuko kapera eraikiarazi zuen, Larresoroko mezara zihoala Errobi ibaian ito zen haren alabaren omenez. Andre Maria izenarekin berriz bataiatua izan zen kapera hori parrokia bilakatu zen 1512an. Andre Mariaren elizak ezkila-dorre hormapikoa du. Elementu hori, eraikinari itsatsita den eta ezkilak hartzen dituen arkuz hornituriko murru handi bat da. Haltsuko ezkila-dorreak ezkila bakarra duen arku bakarra du. Sartzeko kalostra berantago eraikia izan zen. Inskripzio batek dio 1770ean aitzinaldeari gehitu zitzaiola. Kristo gurutzean irudikatzen duen XVII. mendeko margoa du. Eliza barnean, gainaldean, bi solairuko zur zizelkatuan eginiko galeriak daude. Azkenik, Luis XIV.ren erretaula bat eta XVI. mendeko pietatea nabarmentzen dira.